گورنمنٹ گریجویٹ کالج برائے خواتین ماڈل ٹاؤن لاہور کے شعبہ اردو کی پروفیسر محترمہ صفیہ صلاح الدین طویل علالت کے بعد اپنے خالق حقیقی سے جا ملی ہیں۔مرحومہ اس سے قبل گورنمنٹ سمن آباد کالج میں خدمات سرانجام دیتی رہیں اور گزشتہ 12 سے 13 سال سے گورنمنٹ گریجویٹ کالج برائے خواتین ماڈل ٹاؤن لاہور میں تعینات تھیں۔ وہ ایک نہایت وضع دار، محنتی اور شفیق استاد تھیں۔مرحومہ گزشتہ 20 سے 25 سال سے کینسر کے موذی مرض میں مبتلا تھیں، اس دوران ان کی کیمو تھراپی ہوتی رہی، سخت تکالیف برداشت کرتی رہیں لیکن ہمیشہ ہمت اور حوصلے سے تدریس کا فریضہ ادا کرتی رہیں۔ گزشتہ دنوں اچانک انفیکشن کی شدت کے باعث وہ جانبر نہ ہو سکیں۔مرحومہ نے سوگواران میں ایک بیٹی اور ایک بیٹا چھوڑا ہے۔اللہ تعالیٰ مرحومہ کی مغفرت فرمائے، ان کی بیماری کو ان کے لیے کفارہ بنائے، انہیں جنت الفردوس میں اعلیٰ مقام عطا فرمائے اور ان کے بچوں و اہل خانہ کو صبر جمیل عطا فرمائے۔ آمین۔
