وطن واپسی پر کالج کے ساتھیوں نے شاندار استقبال کیا
پنجاب پروفیسرز اینڈ لیکچررز ایسوسی ایش (PPLA) سرگودھا ڈویژن اور 37 کلب کی جانب سے11 ستمبر 2026 کو ڈاکٹر شیر محمد گوندل سینٔر نائب صدر پیپلا پنجاب کی جرمنی سے ریسرچ فیلوشپ مکمل کرکے وطن واپسی پر پرتپاک استقبال کیا گیا۔ اس موقع پر ان کے اعزاز میں ایک پرتکلف چائے کا اہتمام بھی کیا گیا۔چائے کے تمام تر انتظامات شعبہ اردو کے چیئرمین ڈاکٹر خالد محمود بلوچ صاحب کی جانب سے کیے گئے۔ اس موقع پر ڈاکٹر حافظ محمد رمضان صدر پیپلا سرگودھا ڈویژن، پروفیسر سعادت رفیق، صدر شعبہ سیاسیات، پروفیسر گوہر عباس ٹاٹری، کنٹرولر آف امتحانات، پروفیسر حبیب الرحمن، صدر شعبہ تاریخ سمیت مختلف شعبہ جات سے تعلق رکھنے والے معزز فیکلٹی ممبران بھی موجود تھے۔تقریب کے دوران ساتھی اساتذہ نے ڈاکٹر شیر محمد گوندل کی جرمنی میں تحقیقی سرگرمیوں اور علمی خدمات کو سراہتے ہوئے ان کی وطن واپسی پر خوشی کا اظہار کیا۔اس موقع پر ڈاکٹر شیر محمد گوندل نے تمام احباب کا پرتپاک استقبال، محبت اور خلوص کے ساتھ میزبانی کرنے پر تہہ دل سے شکریہ ادا کیا اور کہا کہ ساتھیوں کی یہ محبت اور حوصلہ افزائی ان کے لیے ہمیشہ باعثِ مسرت اور باعثِ تقویت رہے گی۔ یہ خوبصورت محفل علمی رفاقت، باہمی محبت اور اساتذہ کے درمیان مضبوط تعلق کی ایک خوبصورت مثال تھی۔
