نئے لیکچررز کی بھرتی کے لئے ریکوزیشن پنجاب پبلک سروس کمیشن کو ارسال

محکمہ ہائر ایجوکیشن کی جانب سے 2451 لیکچررز مردانہ و زنانہ کی ریکوزیشن پنجاب پبلک سروس کمیشن کو ارسال کردی گئی ہے۔27 جولائی کو جاری ہونے والی مراسلے میں 1435 خواتین اور 1016 مرد اساتذہ کو بھرتی کرنے کرنے کے لئے کہا گیا ہے۔یہ بھرتی مستقل بنیادوں پر کی جائے گی۔یاد رہے کہ اس وقت پنجاب بھر میں کالج اساتذہ کی 7 ہزار سے زائد سیٹیں خالی ہیں۔مذکورہ بھرتی سے صرف ایک تہائی خالی سیٹیں ہی پر ہو سکیں گی۔حکومت خالی نشتوں پر عارضی ٹیچر بھرتی کرکے ڈنگ ٹپائو پالیسی کے ذریعے کام چلانے کی کوشش کرتی ہے۔