ایڈہاک الاؤنس اور دسپیرٹی ریڈکشن الاؤنس رواں بنیادی تنخواہ پر ملے گا
ایڈہاک الاؤنس پر انکم ٹیکس واجب الادا ہوگا مگر پیشن کیلکولیشن میں شامل نہیں ہوگا ایک 20 فیصد سپیشل الاؤنس آرمڈ و سول آرمڈ فورسز کے ملازمین کو اضافی دیا گیا پرسنل پے پر بھی اس کا اطلاق ہوگا اس ایڈہاک کو محکمے اپنے بجٹ سے دیں گے
اسلام آباد (نامہ نگار ) بجٹ تجاویز کی منظوری کے فورا بعد وفاقی حکومت نے سرکاری ملازمین کو دی گئی رعایتوں کا باقاعدہ نوٹیفکیشن جاری کر دیا ہے ایڈہاک ریلیف الاؤنس رواں بنیادی تنخواہ کا 10 فیصد اور دسپیرٹی ریڈکشن الاؤنس رواں بنیادی تنخواہ کا 30 فیصد دیا گیا ہے باقاعدہ اور سول آرمڈ فورسز کے ملازمین کو ایک اور اضافی سپیشل الاؤنس دیا گیا ہے جو تنخواہ کا 20 فیصد ہوگا ایڈہاک الاؤنس کے بارے میں یہ وضاحت کر دی گئی ہے کہ اس کا پیشن کیلکولیشن سے کوئی تعلق نہیں ہوگا اس پر انکم ٹیکس ادا کرنا ہوگا یہ بھی کہ سکیل ختم ہونے پر پرسنل پے والوں کو بھی اس اضافی تنخواہ پر ادا کیا جائے گا ملک سے باہر ڈیپوٹیشن پر کام کرنے والوں کو اس ٹنیور کا الاؤنس نہیں دیا جائے گا ڈیپوٹیشن سے واپسی پر البتہ انہیں ملنا شروع ہو جائے گا یہ بھی واضح کر دیا گیا ہے کہ تمام محکمے ایڈہاک الاؤنس پر اٹھنے والے اخراجات اپنے ذرائع سے پورا کریں گے
