امجد اقبال کے پاس اس سے قبل راولپنڈی کے تعلیمی بورڈ کے سیکرٹری کا چارج کا بھی اضافی چارج ہے گورنمنٹ نے چند روز قبل راولپنڈی کے مختلف کالجوں کے چار سینئر پروفیسرز جن کے پاس انتظامی تجربہ بھی تھا کے انٹرویوز بھی کیے مگر رسہ کشی کے سبب ایسا نہ ہو سکا اور روایتی طور پر چارج ایک اسسٹنٹ پروفیسر گریڈ اٹھارہ کے ڈپٹی ڈائریکٹر کے حوالے ہی کرنا پڑا
راولپنڈی (نامہ نگار ) راولپنڈی میں تقریبا ایک ماہ سے خالی پڑی ڈویژنل ڈائریکٹر کی پوسٹ کا اضافی چارج ڈپٹی ڈائریکٹر/ اسسٹنٹ پروفیسر پولیٹیکل سائنس امجد اقبال کے حوالے کر دیا گیا یہ آسامی ایسوسی ایٹ پروفیسر شیر محمد ستی کی گذشتہ ماہ ریٹائرمنٹ کے سبب خالی ہوئی تھی ان کے پاس بھی ڈائریکٹر کالجز کا اضافی چارج تھا اس کے بعد سیکریٹریٹ کے ایک ایڈیشنل سیکرٹری کے ساتھ بات کر کے چار سینئر پروفیسرز کو لاہور بلا کر انٹرویوز کیے گئے ان میں سابق کنٹرولر تعلیمی بورڈ راولپنڈی سائیکالوجی ڈیپارٹمنٹ اصغر مال راولپنڈی کے ساجد صدیقی ،اسی کالج کے استاد ابو بکر جو سابقہ اسسٹنٹ ڈائریکٹر راولپنڈی ڈائریکٹوریٹ گورنمنٹ گورڈن گریجویٹ کالج راولپنڈی کے ناصر محمود اور راولپنڈی کے ایک کالج کے پرنسپل پروفیسر ناصر محمود اعوان جوکئی بورڈوں کے سابق سیکرٹری و کنٹرولر رہ چکے ہیں کے نام شامل ہیں مختلف ممبران قومی و صوبائی اسمبلی نے محکمہ ہائر ایجوکیشن ڈیپارٹمنٹ کے افسران پر دباؤ ڈالا کہ چارج فلاں کو دیا جائے اس رسہ کشی میں بلآخر یہ روایتی فیصلہ کرنا پڑا کہ اضافی چارج فی الحال موجود ڈپٹی ڈائریکٹر کے سپرد کر دیا گیا
