یونیورسٹیاں تباہی کے دہانے پر پہنچ گئی ہیں اس لیے قانون میں ترمیم کی ,وزیر اعلی سندھ

ہائر ایجوکیشن کمیشن کا خطاحتجاج کا سبب بنا خط ہمیں بجھوانے سے قبل میڈیا کو دے دیا۔۔ مراد علی شاہ

وائس چانسلرز احتجاج روکوائیں کچھ وائس چانسلر بد عنوانیوں میں ملوث ہیں کچھ اشتعال دلا کر احتجاج کروا رہے ہیں

کراچی (میڈیا رپورٹر) سندھ کی جامعات میں فپواسا کے بڑھتے ہوئے احتجاج اور ہائر ایجوکیشن کمیشن اسلام آباد کے ان کو لکھے گئے خط پر رد عمل دیتے ہوئے وزیر اعلی سندھ سید مراد علی شاہ نے کہا ہے کہ سندھ کی جامعات تباہی کے دہانے پر کھڑی ہیں بد انتظامی اپنے عروج پر ہے ہم نے سوچ سمجھ کر قانون میں ترامیم کی ہے کہ انتظامی ماہر یونیورسٹیوں کو سمبھالا دیں انہوں نے وائس چانسلرز پر الزامات بھی عائد کیے کہ کچھ سنگین بدعنوانیوں میں ملوث ہیں ایک پر جنسی ہراستگی اور ایک پر رقم خود برد جیسے الزامات ہیں انہوں نے ہائر ایجوکیشن کمیشن اسلام آباد پر بھی الزام عائد کیا کہ اشتعال کی ابتدا ان کے مجھے لکھے گئے خط سۓ ہوئی جسے مجھے بجھوانے سے قبل میڈیا کو دے دیا گیا انہوں نے کہا کہ بعض وائس چانسلر در پردہ اشتعال دلا کر مظاہرے کروا رہے ہیں وہ انہیں کروائیں ورنہ ہمیں نمٹنا آتا ہے انہوں نے ان خیالات کا اظہار سندھ ہائر ایجوکیشن کمیشن کے منعقدہ چوتھے ریسرچ اور ٹیکنالوجی شوکیس 2025 کی تقریب میں اپنی تقریر کے دوارن کہیں