اتحاد اساتذہ (اوکاڑہ )کے فعال و متحرک رہنما پروفیسر راؤ محمد اعجاز صاحب اپنی طویل اور باوقار پیشہ ورانہ خدمات کے بعد ریٹائرڈ ہو گئے۔ راؤ اعجاز صاحب کا کردار اتحاد اساتذہ میں ہمیشہ مثبت، فعال اور اساتذہ کو متحد رکھنے والا رہا۔ انہوں نے اساتذہ کے حقوق، اتحاد اور اجتماعی مفاد کے لیے جس خلوص، جرات اور ثابت قدمی سے اپنا کردار ادا کیا وہ ہمیشہ یاد رکھا جائے گا۔ وہ نہ صرف ایک ذمہ دار اور مخلص استاد رہے بلکہ ساتھی اساتذہ کے درمیان باہمی احترام اور یکجہتی کے فروغ میں ان کا کردار نمایاں رہا۔ ہمیں امید ہےکہ راؤ اعجاز صاحب کی رہنمائی، تجربہ اور محبت آئندہ بھی ہمارے لیے باعث حوصلہ رہے گی۔ اللہ تعالیٰ سے دعا ہے کہ وہ راؤ محمد اعجاز صاحب کو صحت، سکون اور خوشحال زندگی عطا فرمائے اور زندگی کے اس نئے سفر کو اپنی رحمتوں سے بھر دے آمین
