پنجاب یونیورسٹی:امتحانات کے لئے رجسٹریشن کا شیڈول

پنجاب یونیورسٹی نے ایم اے اور ایسوسی ایٹ ڈگری (آرٹس،سائنس،کامرس) کے کے امتحانات 2021ء کے لئے رجسٹریشن کا شیڈول جاری کردیا ہے۔ ایسوسی ایٹ ڈگری سابقہ بی اے کے متبادل ڈگری ہے۔ شیڈول کے مطابق ایسوسی ایٹ ڈگری کے لئےسنگل فیس کے ساتھ 13 جولائی سے30 اکتوبر2020 تک،ہزار روپے لیٹ فیس کے ساتھ 31 اکتوبر سے 31 دسمبر 2020 تک اور ڈبل فیس کے 26 فروری 2021 تک رجسٹریشن کروائی جا سکے گی ۔ایم اے کے امتحانات کے لئے سنگل فیس کے ساتھ رجسٹریشن یکم ستمبر سے 31 دسمبر 2020 تک اور ہزار روپے لیٹ فیس کے ساتھ یکم جنوری 2021 سے 26 فروری 2021 تک جبکہ ڈبل فیس کے ساتھ 27 فروری سے 14 مئی 2021 تک کروائی جاسکتی ہے۔جن امیدواروں کی رجسٹریشن پہلے ہوچکی ہے ان کو دوبارہ رجسٹریشن کروانے کی ضرورت نہیں ہے۔اگر ان کا رزلٹ کارڈ گم ہوگیا ہے تو وہ 100 روپے فیس جمع کروا کے ڈپلیکیٹ حاصل کرسکتے ہیں۔تمام امتحانات کے لئے سنگل رجسٹریشن فیس 4090 روپے جبکہ ڈبل فیس 8180 روپے ہے۔