گورنمنٹ کالج یونیورسٹی کے وائس چانسلر ڈاکٹر اصغر علی زیدی کو پنجاب یونیورسٹی کے وائس چانسلر کا اضافی چارج دے دیا ہے انہوں نے اضافی چارج سنبھال کر کام کا آغاز کر دیا ہے وائس چانسلر پنجاب یونیورسٹی کا عہدہ چودہ جون دو ہزار بائیس کو سابق وائس چانسلر ڈاکٹر نیاز احمد کی ریٹائرمنٹ سے خالی ہوا مگر سیاسی مداخلت کرواتے ہوئے اس وقت کے ایک وزیر نے ان کے عہدے کی مدت میں تین ماہ کی توسیع دلوا دی یہ مدت تین ماہ کے لیے تھی وہ بھی تیرہ ستمبر کو ختم ہو چکی اس وقت سے یونیورسٹی بغیر وائس چانسلر کے کام کر رہی ہے اس توسیع کے غیر قانونی ہونے کے بارے میں اکیڈمک سٹاف ایسوسی ایشن پنجاب یونیورسٹی کے جنرل سیکرٹری ڈاکٹر امجد مگسی اور ان کے ساتھیوں نے عدالت عالیہ میں رٹ دائر کر رکھی ہے دوران سماعت فاضل جج ہائی کورٹ نے محکمہ ہائر ایجوکیشن کو ہدایت کی کہ آٹھ ستمبر تک مستقل وائس چانسلر تعینات کیا جائے وہ تو صوبائی حکومت سے ہو نہیں سکا مگر ان نے وقتی طور پر اضافی چارج گورنمنٹ کالج یونیورسٹی کے وائس چانسلر ڈاکٹر اصغر زیدی کے سپرد کر دیا ہے جو آئندہ وائس چانسلر کی تعیناتی تک یہ فریضہ سر انجام دیں گے
