ڈائریکٹر پلاننگ کے مطابق کچھ اضلاع کے علاؤہ تخمینہ موصول ہو گیا ہے ان سے بھی اگلے چند روز میں متوقع ہے مکمل ہوتے ہی سیکرٹریٹ بھجوا دیا جائےگا اتحاد اساتذہ پاکستان اور پپلا کے وفد کو ڈی پی آئی کی یقین دہانی
پے پروٹیکشن کمیٹی، پی پی ایل اے اور اتحاد اساتذہ کے وفد نے مورخہ 3 اکتوبر کو ڈی پی آئی آفس میں ڈی پی آئی ڈاکٹر عاشق، ڈائریکٹر ایڈمن انیس شیخ اور ڈائریکٹر پلاننگ صفدر عباس کے ساتھ پے اینڈ سروس پروٹیکشن کے ڈیٹا کلیکشن کے حوالے سے میٹنگ کی۔ اساتذہ کی جانب سے ملاقات میں اتحاد اساتذہ کے سینئر رہنما غلام مصطفی، پی پی ایل اے کی مرکزی نائب صدر فائزہ رعنا، پی پی ایل اے لاہور کے انفارمیشن سیکرٹری حسن رشید، پے اینڈ سروس پروٹیکشن کمیٹی لاہور کے کنوینر ناصر ادیب اور ڈاکٹر شمائلہ حسین موجود تھے۔ یہ ملاقات سیکرٹری ہائر ایجوکیشن سے ملاقات کے فالو اپ میں تھی۔ سیکرٹری نے ہدایت جاری کی تھی کہ جلد از جلد پے پروٹیکشن کے سلسلے میں اخراجات کا تخمینہ بھجوایا جاِئے تاکہ چیف سیکرٹری آفس میں بھیجا جا سکے۔ ڈائریکٹر پلاننگ نے وفد کو آگاہ کیا کہ زیادہ تر ڈویژنز سے تخمینہ آچکا ہے۔ ڈی پی آئی صاحب نے ڈائریکٹر پلاننگ کو ہدایت جاری کی کہ باقی رہ جانے والے اضلاع کو ٹیلی فون کرکے جلد تخمینہ منگوایا جائے اور ایک ہفتے کے اندر اندر اس کام کو مکمل کیا جائے۔
