موسم گرما کی تعطیلات میں توسیع کو پرائیویٹ سکولز مینجمنٹ نے عدالت میں چیلنج کر دیا

لاہور ( نمائندہ خصوصی) صوبائی حکومت کے موسم گرما کی تعطیلات میں دو ہفتوں کی توسیع کو پرائیویٹ سکولز مینجمنٹ ایسوسی ایشن نے ہائی کورٹ راولپنڈی پینچ میں چیلنج کر دیا ہے ایسوسی ایشن نے موقف اختیار کیا ہے کہ مزید دو ہفتے چھٹیوں سے بچوں کی تعلیم کا نقصان ہوگا کورسز بر وقت مکمل نہیں ہو سکے گا لہذا صوبائی حکومت اپنا یہ فیصلہ واپس لے حکومت نے پہلے فیصلے میں ترمیم کرتے ہوئے نویں سے بارہویں تک اور اے و او لیول کلاسز کے لیے تعلیمی ادارے 18 اگست سے کھلونے کا اعلان کر دیا ہے مگر پرائیویٹ سکولز مینجمنٹ ایسوسی ایشن ہر سطح کے بچوں کے لیے سکولز فوری اوپن کروانا چاہتی ہے اس پر وزیر تعلیم پنجاب رانا سکندر حیات خان نے ایک ٹی وی چینل کو انٹرویو دیتے ہوئے موقف اختیار کیا ہے کہ موسم ابھی سخت ہے اور چھوٹے بچوں کی صحت ہماری اولین ترجیح ہے