پنجاب حکومت کا بڑا فیصلہ — کالجز کے پروموشن کیسز 3 ماہ میں نمٹانے کا حکم
خبر:
لاہور۔ گورنمنٹ آف پنجاب، ڈائریکٹوریٹ آف پبلک انسٹرکشن کالجز نے تمام ڈائریکٹرز آف ایجوکیشن کالجز کو ہدایت جاری کی ہے کہ اہل ملازمین کے پروموشن کیسز کو 3 ماہ کے اندر لازمی طور پر نمٹایا جائے۔
یکم ستمبر 2026 کو جاری مراسلے نمبر DPIC/Dir.Admin/2026/1140 کے مطابق کئی اضلاع میں آسامیاں خالی ہونے کے باوجود پروموشن کیسز برسوں سے زیر التواء ہیں جس سے ملازمین میں مایوسی پھیل رہی ہے اور قانونی مسائل جنم لے رہے ہیں۔
مراسلے میں کہا گیا ہے کہ بروقت پروموشن سے ملازمین کی کارکردگی، پیشہ ورانہ ترقی اور سرکاری کالجز کی کارکردگی بہتر ہوتی ہے۔ اس لیے فیصلہ کیا گیا ہے کہ:
- کل 3 ماہ کی مدت: پہلا ماہ سینارٹی فائنل کرنے اور درخواستیں/دستاویزات منگوانے کے لیے۔ بقیہ 2 ماہ ریکارڈ کی جانچ اور ورکنگ پیپر کی تکمیل کے لیے۔
- ماہانہ رپورٹ: ہر ڈائریکٹر آف ایجوکیشن کالجز ہر ماہ کی 5 تاریخ تک خالی آسامیوں اور پروموشن کیسز کی سٹیج کی رپورٹ DPI کالجز کو جمع کروائیں گے۔
- تاخیر پر کارروائی: مقررہ مدت سے زائد کسی کیس کو بغیر قانونی جواز کے روکنے پر متعلقہ افسر کے خلاف کارروائی ہوگی۔
