ذرائع کے مطابق پہلے درخواست کنندگان کی اکثریت حکام کو پسند نہیں پسند کے امیدواران ڈھونڈنے کے لیے تاریخ میں سترہ سے بیس ستمبر تک توسیع دی گئی ہے
لاہور ( نمائندہ خصوصی ) محکمہ ہائر ایجوکیشن پنجاب نے کچھ روز قبل دو اشتہار اپنے اندرونی ان لائن سسٹم کے ذریعے دیئے ایک میں مطلوبہ اہلیت کے حامل امیدواران سے پنجاب کے مختلف کالجز میں پرنسپلز کی خالی آسامیوں پر درخواستیں طلب کی گئیں دوسرے میں طے شدہ اہلیت کے حامل امیدواران سے ڈویژنل ڈائریکٹرز کے لیے درخواستیں طلب کی گئیں اہل امیدواران نے درخواستیں دی بھی مگر ان کا جائزہ لینے کے بعد حکام نے فیصلہ کیا کہ یہ ناکافی بھی ہیں اور ہمیں پسند بھی نہیں لہذا حکومتی معیار پر پورا اترنے والے امیدواران کی تلاش کا دائرہ کار بڑھانے کی خاطر درخواستیں دینے کی تواریخ میں توسیع دی جائے اب اس کے لیے سترہ سے بیس ستمبر تک توسیع کر دی گئی ہے ایک امیدوارجو عارضی طور پر بطور ڈویژنل ڈائریکٹر کام بھی کر رہے ہیں کے بارے میں یہ بتایا جا رہا ہے کہ وہ مقابلے میں آنے والوں کو دھمکا رہے ہیں کہ ابھی آپ کی سالانہ رپورٹ میرے پاس ہے آپ کے لیے مشکلات پیدا ہو سکتی ہیں
