ڈاکٹر عالیہ رحمان ایک سال تک کالج کی ڈی ڈی او رہیں پہلی مرتبہ ڈائریکٹر اور دوسری مرتبہ ڈی پی آئی کالجز نے ڈرائنگ اینڈ ڈسپرسنگ آفیسر لگایا
ڈاکٹر انجم جاوید ریاضیات کے پی ایچ ڈی ہیں اور گزشتہ ہونے والے انٹرویو میں انہیں مستقل پرنسپل بنانے کے لیے سفارش کی گئی مگر تاحال ان کی تعیناتی کی سمری منظور نہیں کی گئی
لاہور۔۔ نمائندہ خصوصی۔۔ آج جاری ہونے والے ایک آفیس آرڈر کے مطابق گورنمنٹ ایم اے او لاہور کے پرنسپل کا عارضی چارج اسی کالج کے وائس پرنسپل پروفیسر ڈاکٹر ملک انجم جاوید کے سپرد کر دیا گیا ہے ایک سال تک بطور ڈی ڈی او کام کرنے والی شعبہ فزکس کی پروفیسر عالیہ رحمان کو اس ذمہ داری سے فارغ کر دیا گیا ہے ایک سال قبل انہیں ڈائریکٹر کالجز لاہور ڈویژن نے چھ ماہ کے لیے ڈی ڈی او مقرر کیا گیا دوسری مرتبہ ڈائریکٹر پبلک انسٹرکشن پنجاب نے انہیں ڈی ڈی او کی مدت میں چھ ماہ کی توسیع کر دی اس دوران مستقل پرنسپل کے لیے انٹرویوز منعقد ہوئے لیکن وہ باوجوہ سمری کے مراحل سے ہو کر آرڈرز تک نہ پہنچ پائے ملک میں الیکشن کمیشن نے پوسٹنگ ٹرانسفر پر پابندی عائد کر دی اور یہ سارے کام روک دئیے گئے مزید چھ ماہ کی توسیع کے کیس سیکرٹری ہائر ایجوکیشن ڈیپارٹمنٹ نے کرنا تھا کیونکہ ڈاکٹر انجم جاوید کی انٹرویو کے پینل نے مستقل پرنسپل کے لیے سفارش کر دی تھی لہذا اس مرتبہ ڈی ڈی او کا حقدار انہیں ٹھہرایا گیا اور یہ آرڈرز جاری کر دئیے گئے
