حکومت پاکستان کیبنٹ سیکرٹریٹ اسٹبلشمنٹ ڈویژن نے انیس اگست کو ایک نوٹیفیکیشن جاری کیا ہے جس میں سول سرونٹ رولز 1973 میں تبدیلی کر کے ملازمتوں میں بین الصوبائی کوٹوں کو تبدیل کر دیا گیاہے نوٹیفیکیشن کے مطابق سات اعشاریہ پانچ فیصد سیٹیں میرٹ پر ، پچاس فیصد پنجاب، انیس فیصد سندھ ،گیارہ اعشاریہ پانچ فیصد خیبر پختونخوا ،چھ فیصد بلوچستان ،تین فیصد سابقہ فاٹا کے اضلاع کے لیے جو اب خیبرپختونخوا میں شامل ہو گئے ہیں،ایک فیصد کوٹہ گلگت بلتستان کے لیے جبکہ دو فیصد کوٹہ آزاد کشمیر کے امیدواران کے مخصوص کیا گیا ہے یہ بھی وضاحت کر دی گئی ہے کہ سندھ کے کوٹہ انیس فیصد کے دو حصّوں میں تقسیم کیا گیا ہے انیس فیصد کا چالیس فیصد جو کل کا سات اعشاریہ چھ فیصد بنتا ہے اربن سندھ (کراچی،حیدر آباد اور سکھر ) اور انیس کا ساٹھ فیصد جو کل کا گیارہ اعشاریہ چار فیصد ہے۔ رولر سندھ کیلے جس میں مندرجہ بالا اضلاع منفی کر کے بقیہ علاقے شامل ہیں کے لیے رکھا گیا ہے
