کالجز میں مستقل اساتذہ بھرتی کئے جائیں،پی پی ایل اے
لاہور(میڈیا رپورٹس) ہائر ایجوکیشن ڈیپارٹمنٹ پنجاب نے ڈی پی آئی آفس کے ذریعے ڈائریکٹرز کو ہدایات جاری کی ہیں کہ جو کالج اساتذہ دیگر محکموں میں تعینات ہیں ان کی معلومات اکٹھی کرکے ڈیپارٹمنٹ کو بھجوائی جائیں۔یہ اساتذہ عرصہ سے مختلف یونیورسٹیز میں تعینات ہیں۔خبر گرم ہے کہ اساتذہ کی کمی کے پیش نظر شاید ان اساتذہ کو اپنے اداروں میں واپس آنے کا کہا جائے۔علاوہ ازیں تمام ڈائریکٹرز سے نئے سیشن کے لئے سی ٹی آئیز کی بھرتی کے لئے ڈیمانڈ بھجوانے کی بھی ہدائت کی گئی ہے۔اس کے لئے انہیں 15 دن کا وقت دیا گیا ہے۔یادرہے کہ گزشتہ سال 45 سو عارضی اساتذہ بھرتی کئے گئے تھے۔پنجاب پروفیسرز اینڈ لیکچررز ایسوسی ایشن کے صدر ملک رمضان گرو اور جنرل سیکرٹری شفیق بٹ نے اس موقع پر ردعمل دیتے ہوئے کہا ہے کہ ہر سال عارضی ٹیچرز بھرتی کرکے ڈنگ ٹپائو پالیسی سے کام لیا جاتا ہے۔اس کی بجائے مستقل ٹیچرز بھرتی کرنے کی ضرورت ہے ۔فوراً پبلک سروس کمیشن کے ذریعے اس کا بندوبست کیا جائے۔
2 comments
سی ٹی آئیز کو بھارتی کر لیتے ہیں اور ان سے مستقل اساتزہ سے زیادہ کام لے لیا جاتا مگر انکی تنخواہ پوری نہیں دی جاتی ۔۔میری اپیل ہے اس پر بھی غور کی جائے میں تین دفعہ سی ٹی آئی بھارتی ہوئی مگر دو دفعہ پوری تنخواہ نہیں مصباءوہاڑی
سی ٹی آئی جو بھارتی کیے جاتے ان سے مستقل اساتزہ سے زیادہ کام لیا جاتا اور انکی تنخواہ پوری نہیں دی جاتی۔میری اپیل ہے کہ اس طرف بھی دھیان کیا جائے