پنجاب یونیورسٹی:امتحانات کے لئےداخلہ فارم جمع کروانے کی تاریخ میں توسیع

لاہور(نیٹ نیوز)پنجاب یونیورسٹی نے مختلف پرائیویٹ امتحانات کے لئے داخلہ فیس اور فارم جمع کروانے کی تاریخ میں ایک مرتبہ پھر توسیع کردی ہے۔اب سنگل فیس کے ساتھ داخلہ فارم 13 جولائی تک جمع کروائے جا سکیں گے۔پنجاب یونیورسٹی کی ویب سائٹ کے مطابق ان امتحانات میں ایسوسی ایٹ ڈگری آف کامرس پارٹ 2،بی کام پارٹ2،ایل ایل بی پانچ سالہ پروگرام(پارٹ 1،2،3،4،5)،ایل ایل بی 3 سالہ پروگرام(پارٹ 2،3) اور ایم اے/ ایم ایس سی کے پارٹ 1 اور پارٹ 2 کے سالانہ امتحانات 2020 شامل ہیں۔ مکمل شیڈول متعلقہ اتھارٹی کے دستخط کے بعد جاری کردیا جائے گا۔