صوبائی صدر فپواسا اور پیپلا کے درمیان ایک ملاقات میں مشترکہ مطالبات پر مشترکہ احتجاج کا لائحہ عمل طے کیا جائے
فپواسا کے موقف کی حمایت کرتے ہیں یونیورسٹیز بجٹ پر اسقدر کمی تعلیم دشمنی کے مترادف ہے پیپلا رہنما فائزہ رعنا
فپواسا مطالبات کی حمایت پر پیپلا رہنماؤں کے شکر گزار ہیں مستقبل میں دونوں فریقین کے درمیان تعلقات مزید مضبوط ہونگے صوبائی صدر ڈاکٹر خاور نوازش اور ڈاکثر احتشام
لاہور ۔۔نمائندہ حصوصی ۔۔گذشتہ روز فپواسا کے صوبائی صدر ڈاکٹر خاور نوازش اور سنٹرل انفارمیشن سیکرٹری ڈاکٹر احتشام پر مشتمل ایک وفد نے پنجاب پروفیسرز اینڈ لیکچررز ایسوسی ایشن کی صدر محترمہ فائزہ رعنا اور ڈویژنل صدر پیپلا لاہور ڈویژن جناب حسن رشید سے ایک ملاقات ہوئی ملاقات میں ہائر ایجوکیشن کو درپیش مسائل زیر بحث آئے فائزہ رعنا نے اس پر تشویش کا اظہار کیا کہ حکومت نے یونیورسٹیز کے لیے مختص بجٹ کو 65 ارب سے کم کر کے 25 ارب اور اسے صرف وفاقی یونیورسٹیز تک محدود کر دیا ہے اور صوبائی یونیورسٹیز کو اس سے یکسر محروم کر دیا ہے اس سے ظاہر ہے فیسوں میں اضافہ ہوگا اور ادنی مڈل اور اوسط مڈل کلاس کے لیے تعلیم کا حصول ناممکن ہو جائے گا اس سلسلے میں پیپلا رہنماؤں نے فپواسا کی جاری جد و جہد کو
جائز قرار دیا اور اس کی مکمل حمایت کا اعلان کیا ملاقات میں یہ بھی زیر بحث آیا کہ گریڈ بیس اور اوپری گریڈ کے اساتذہ کو ڈسپرٹی ریڈکشن الاؤنس سے محروم رکھا گیا ہے یہ یونیورسٹی اور کالج اساتذہ کا مشترکہ مسلہ ہے اس کے حصول کے لیے دونوں فریقین مل کر جد وجہد کریں گے اور مشترکہ لائحہ عمل ترتیب دیں گے مسقبل میں یونیورسٹی اور کالجز کی تنظیموں کو قریب لایا جائے گا جن سے مسائل کے حل میں آسانیاں پیدا ہو نگی
