سرگودھا (نامہ نگار) صدر پنجاب پروفیسرز اینڈ زییکچررز ایسوسی ایشن سرگودھا ڈویژن حافظ محمد رمضان نے اس امر پر تشویش کا اظہار کیا ہے کہ بورڈ آف انٹرمیڈیٹ اینڈ سیکنڈری ایجوکیشن سرگودھا نے تاحال کالج اساتذہ کو گزشتہ خدمات کے معاوضے ادا نہیں کیے جبکہ سکولز اساتذہ کو ادا کر دیے ہیں یوں وہ امتیازی سلوک کے جرم کے مرتکب ہوئے ہیں جو قابل مذمت ہے اس کی کوئی اور وجہ سمجھ میں نہیں آتی کہ کنٹرولر اور سیکرٹری بورڈ دونوں کا تعلق سکولز کیڈر سے ہےاور وہ اپنے کیڈر کے مفادات میں مصروف ہیں انہوں نے تنبیہ کی کہ یہ حضرات امتیازی سلوک بند کریں اور کالج اساتذہ کے تمام معاوضہ جات عید الفطر سے قبل ادا کر دیں ورنہ کالج اساتذہ بورڈ کی تمام اسانمنٹس کا بائیکاٹ کریں گے
عیدالفطر سے قبل معاوضہ جات ادا نہ کیے گئے تو اسانمنٹس کا بائیکاٹ کریں گے۔۔ حافظ رمضان
