ملتان سے اتحاد اساتذہ کے رہنما اور سابق قائم مقام صدر پیپلا ملک محمد رمضان گرو مدت ملازمت مکمل کر کے پندرہ اکتوبر کو ریٹائر ہو گئے ان نے پی پی ایس سی سے منتخب ہونے انیس فروری 1989 کو بطور لیکچرر شعبہ تاریخ محکمہ ہائر ایجوکیشن پنجاب میں جوائن کیا پانچ جولائی دو ہزار دس کو اسسٹنٹ پروفیسر پرموٹ ہوئے اور دوسری مرتبہ 23 مارچ دو ہزار اٹھارہ کو ترقی پا کر ایسوسی ایٹ پروفیسر بنائے گئے موصوف ایک ترقی پسند اور بالغ رائے شخصیت کے مالک ہیں اوائل ملازمت سے اتحاد اساتذہ سے منسلک ہو گئے اور اساتذہ کے حقوق کے لیے چلائی جانے والی تمام تحریکوں میں ہمیشہ شامل رہے پی پی ایل اے کے 2016 کے انتخابات میں مرکزی سینئر نائب صدر منتخب ہوئے اور صدر پیپلا کی ریٹائرمنٹ کے بعد قائم مقام صدر کے فرائض سر انجام دیے ان کی اساتذہ کے لیے جد وجہد کو یاد رکھا جائے گا انہوں نے اپنی ملازمت کا زیادہ تر وقت ملتان کے کالجز میں ہی گزارا کچھ عرصہ گورنمنٹ ولایت حسین اسلامیہ کالج ملتان میں تدریسی خدمات سر انجام دیں آج کل گورنمنٹ کالج سول لائنز ملتان کے شعبہ تاریخ سے وابستہ تھے ان کی ریٹائرمنٹ پر ان کے کالج کے احباب نے ایک الوداعیہ تقریب کا انعقاد کیا جس میں ان کی خدمات کو سراہتے ہوئے خراج تحسین پیش کیا یادگاری شیلڈ پیش کی اور گلدستوں سے اظہار محبت کیا
