ایسا الیکشن کمیشن آف پاکستان کی انضباطی کارروائی کے خوف سے کیا گیا محکمہ ہائر ایجوکیشن ڈیپارٹمنٹ کے علم میں لائی گئی کہ الیکشن کمیشن نے صوبائی محکمہ صحتِ کے حکام کو تبادلےکرنے پر نوٹس کیا ہے
سات اور آٹھ اگست کو ڈپٹی ڈائریکٹر لاہور ڈائریکٹوریٹ بجٹ اور فنانس ڈاکٹر شہزاد منور کو گوجرانولہ اور ان کی جگہ ڈاکٹر احتثام جان بٹ کو تعینات کیا گیا ڈپٹی ڈائریکٹر گوجرانولہ زاہد فاروق کو ڈپٹی ڈائریکٹر گوجرانولہ ہٹانے سے جو پوسٹ خالی ہوئی اس پر ڈاکٹر شہزاد منور کو اس پہ تعینات کیا تھا
لاہور ( نمائندہ خصوصی) نوٹس لیے جانے کے ڈر سے محکمہ ہائر ایجوکیشن نے سات اور آٹھ اگست کو انتظامی عہدوں پر کیے گئے تبادلے منسوخ کر دئیے سات اگست کو سیکرٹری ہائر ایجوکیشن نے ڈپٹی ڈائریکٹر بجٹ و فنانس ڈاکٹر شہزاد منور کو ٹرانسفر کر کے ان کی جگہ احتثام جان بٹ کو تعینات کرنے کے احکامات جاری کیے اگلے ہی روز ایڈیشنل چارج پہ تعینات ڈپٹی ڈائریکٹر کالجز گوجرانولہ زاہد سے یہ چارج واپس لے کر ان کی خالی ہونے والی آسامی پر ڈاکٹر شہزاد منور کو تعینات کر دیا انہوں نے لاہور والا عہدہ چھوڑ کر گوجرانولہ جوائن بھی کر لیا مگر جب ہائر ایجوکیشن ڈیپارٹمنٹ پنجاب کے حکام کے علم میں آیا کہ الیکشن کمیشن آف پاکستان نے تبادلے کرنے پر محکمہ صحت کے حکام کو ایسا کرنے پر نوٹس جاری کیے ہیں تو انہوں نے اپنے سات اور آٹھ اگست کو کیے گئے تمام آرڈرز واپس لے لیے علاؤہ ازیں خواتین اسسٹنٹ پروفیسرز جن کے بطور ایسوسی اسسٹنٹ پروفیسرز ترقی پانے کے بعد جو پوسٹنگ آرڈرز جاری کیے جا رہے تھے انہیں روک کر محکمہ سروسز اینڈ جنرل ایڈمنسٹریشن کو لکھا کہ الیکشن کمیشن آف پاکستان سے ایسا کرنے کے لیے اجازت لی جائے
