کوئین میری یونیورسٹی لندن کی آن لائن میٹنگ سے محترمہ فائزہ رعنا نائب صدر پپلا کا خطاب
لاہور نمائندہ خصوصی بائیس جون کو اکڈیمیا ٹریڈ یونینز کی آن لائن میٹنگ کا انعقاد ہوا۔ یہ میٹینگ کوئن میری یونیورسٹی یونین (لندن ،یوکے)کی کاوشوں کا نتیجہ تھی۔ کوئن میری یونیورسٹی کے اساتذہ کے معاوضے کٹوتی کی زد میں ہیں ۔کوئن میری یونیورسٹی یونین نےاپنے مسئلے کو عالمی اکیڈمیا کے مسئلوں کے ساتھ جوڑتے ہوئےہڑتال کے آخری روز اس آن لائن ریلی میں پوری دنیا سے ٹریڈ یونینز کو دعوت دی کہ مل بیٹھ کے ہی یہ مسئلے حل ہو سکتے ہیں۔ اس ریلی میں امریکہ، برازیل، برطانیہ، یونان اور بہت سے ملکوں کے ٹریڈ یونین کے نمائندے شریک تھے پاکستان سے فائزہ رعنا، وائس پریزیڈینٹ، پپلا نے ریلی میں شریک ہو کر نہ صرف کوئن میری یونیورسٹی کے استادوں کے ساتھ اظہار یکجہتی کیا بلکہ ایک مشترکہ پلیٹ فارم بنانے کی بات کی۔ اور اپنے مسائل سے آگاہی بھی دی یہ میٹینگ ڈھائ گھنٹوں پر محیط تھی
