گورنمنٹ کالج آف سائنس وحدت روڈ لاہور کے صدر شعبہ فزکس ڈاکٹر اعجاز احمد دماغ کی شریان پھٹ جانے سے انتقال کر گئے انہوں آٹھ فروری کی شب یہ واقع پیش آیا جب وہ عشاء کی نماز کی ادائیگی کے بعد گھر لوٹ رہے تھے انہیں فوری طور پر جنرل ہسپتال منتقل کیا گیا جہاں ان کی حالت نہ سنبھل سکی ہسپتال میں وینٹیلیٹر دستیاب نہ ہونے کے سبب بھی ہاتھ سے ہی مصنوعی تنفس کا عمل کرنا پڑا ڈاکٹروں کی بھرپور کوشش کے باوجود وہ جاں بھر نہ ہو سکے ڈاکٹر اعجاز احمد کی عمر تقریباً ستاون برس تھی انہوں نے پسماندگان میں دو بیٹے ،دو بیٹیاں اور ایک بیوہ سوگوار چھوڑے ہیں ڈاکٹر اعجاز احمد نے چین سے اپنی ڈاکٹریٹ مکمل کی ابتدا میں انہوں نے بطور لیکچرر فزکس گورنمنٹ کالج لاہور اور گورنمنٹ ایم اے او کالج لاہور میں بھی کام کیا ڈائریکٹ ایسوسی ایٹ پروفیسر منتخب ہوئے اور پھر پروفیسر آف فزکس کے عہدے پر ترقی پائی وہ اب بطور صدر شعبہ فزکس گورنمنٹ کالج آف سائنس وحدت روڈ لاہور میں خدمات سر انجام دے رہے تھے وہ ذہین ہونے کے ساتھ ساتھ ایک بہت خوبصورت شخصیت کے مالک تھے دوستوں میں ہمیشہ مسکراہٹیں بکھیرتے رہے اتحاد اساتذہ کے سبھی دوست ان کی بلندی درجات کیلئے دعا گو ہیں
سائنس کالج لاہور کے پروفیسر ڈاکٹر اعجاز انتقال کرگئے
