کل اتوار کے روز ڈی پی آئی کالجز پروفیسر ڈاکٹر عنصر کی نگرانی میں ریکارڈ بوری بند کیاگیا اور اسے نئے دفتر تک پہنچایا گیا ڈائریکٹر پبلک انسٹرکشن ہائر سکینڈری سکولز بھی ان کی تقلید میں ایسا کر رہے ہیں سیکرٹری ہائر ایجوکیشن نے سیکرٹری سکولز کو شفٹ کرنے کے لیے تین جنوری کو ایک خط لکھا تھا
لاہور ۔۔نامہ نگار۔۔۔ مال روڈ پر واقع بلڈنگ تاریخی اہمیت کی حامل ہے جس میں ڈائریکٹر پبلک انسٹرکشن پنجاب کالجز کے دفاتر قائم کیے گئے تھے بعد میں سکولز کے الگ ہونے کے بعد سکولز کے دفاتر بھی قائم کر دئیے گئے۔ڈائریکٹر پبلک انسٹرکشن ایلمنٹری سکولز اور ڈائریکٹر ہائر ایجوکیشن لاہور ڈویژن کے دفاتر بھی اسی بلڈنگ میں تھے مگر ہال روڈ پر ایک ایجوکیشن کمپلیکس تعمیر کیا گیا ڈی پی آئی ایلیمنٹری اور ڈائریکٹر ہائر ایجوکیشن لاہور ڈویژن وہاں شفٹ ہو گئے مگر ڈائریکٹر پبلک انسٹرکشن ہائر ایجوکیشن اور ڈائریکٹر پبلک انسٹرکشن ہائر سکینڈری سکولز تا حال یہاں ہی کام کر رہے تھے اچانک حکومت کو خیال آیا کہ تاریخی اہمیت کی اہمیت کی حامل اس بلڈنگ کی تاریخی حیثیت بحال کی جائے اور اس کی تزئین وآرائش بھی کی جائے اس مقصد کے لیے 13 ویں صوبائی ڈویلپمنٹ ورکنگ پارٹی میٹنگ کے اجلاس جو آٹھ دسمبر 2023 کو منعقد ہوئی طے ہوا کہ نومبر سے فروری 24 کے دوران یہ کام کیا جائے گا اور ان دفاتر کو کہیں اور منتقل کر کے بلڈنگ سی اینڈ ڈبلیو کے حوالے کر دی جائے گی جو بحالی اور تزئین و آرائش کا کام کرئے گا کل سات جنوری 2024 ڈاکٹر عنصر اظہر کی نگرانی میں یہ فریضہ سر انجام دیا گیا اور سٹاف و ریکارڈ کو لیک روڈ پر واقع ایک سکول و کالج کی بلڈنگ کے خالی حصے میں اسے منتقل کر دیا گیا
