وزیر اعلیٰ پنجاب کے دفتر سے ایک حکم تمام انتظامی سربراہان کو جاری کیاگیا ہے کہ سول سرونٹ ایکٹ انیس سو چوہتر سترہ اے کے مطابق مرحوم سرکاری ملازمین کی بیوہ یا بچے کو سرکاری ملازمت فراہم کی جاتی ہے وزیر اعلیٰ کے نوٹس میں یہ بات آئی ہے کہ اس رول پر پوری طرح فوری عملدرآمد نہیں ہو رہا یا اسے اولین ترجیح نہیں دی جا رہی اور مرحوم کے لواحقین سرکاری دفاتر میں دھکے کھاتے پھر رہے ہیں حکمنامے میں کہا گیا ہے کہ ایسے تمام کیسز تیس دن کے اندر نمٹائے جاییں ایسے کیسز کا فیصلہ ترجیع بنیادوں پر کیا جائے اور اس کی تکمیل کی اطلاع وزیر اعلیٰ آفیس کو فراہم کی جائے
