ایڈیشنل ڈی پی آئی سے لیکر گریڈ سترہ کے اسسٹنٹ ڈائریکٹر تک کا انگوٹھا پندرہ دسمبر جبکہ بقیہ گریڈ ایک سے سولہ تک کے ملازمین کا سولہ دسمبر کو سکین کر دیا جائے گا اور اس کے فورا بعد سترہ دسمبر سے بائیو میٹرک حاضری شروع ہو جائے گی
ہائر ایجوکیشن ڈیپارٹمنٹ پنجاب کے اعلی حکام کے علم میں یہ بات آئی کہ ڈی پی آئی آفیس کے ملازمین کی حاضری میں بے قاعدگیاں پائی جا رہی ہیں
لاہور ( خبر نگار) ڈائریکٹوریٹ آف پبلک انسٹرکشن کالجز پنجاب کے تمام ملازمین سترہ دسمبر 2025 بروز بدھ سے بائیو میٹرک سسٹم کے تحت حاضری لگائیں گے اپنے تمام ڈائریکٹرز ،ڈپٹی ڈائریکٹرز ،اسسٹنٹ ڈائریکٹرز ،سپیریٹنڈنٹس اور سٹاف کے نام ایک خط میں ڈائریکٹر پبلک انسٹرکشن پنجاب ڈاکٹر سید عنصر اظہر نے لکھا ہے کہ اعلی حکام کے نوٹس میں یہ بات آئی ہے کہ ڈی پی آئی آفیس کے تمام ملازمین کی حاضری میں بے قاعدگیاں پائی جا رہی ہیں لہذا بائیو میٹرکس حاضری کا آغاز کیا جائے پندرہ اور سولہ دسمبر کو افسران اور چھوٹے ملازمین کے انگوٹھے کے نمونے مشین میں سکین کر دئیے جائیں گے اور سترہ دسمبر 2025 سے اس سسٹم کے تحت حاضری کا آغاز کر دیا جائے گا
