آگیگا کے پلیٹ فارم سے چار جولائی اور چوبیس جولائی کو احتجاجی مظاہرے کیے جائیں گے

چار جولائی کو ہر ضلع کی آگیگا میں شامل تنظمیں اپنے اپنے ضلع کے پریس کلب کے سامنے احتجاج کریں گی جبکہ چوبیس جولائی کو مرکزی مظاہرہ مسلم لیگ ن کے دفتر ماڈل ٹاؤن لاہور کے سامنے کیا جائے گا

پے پروٹیکشن ،لیو انکیشمنٹ،پینشن رولز میں تبدیلی،بیس گریڈ والوں کو ڈی آر اے کی عدم فراہمی اور نجکاری جیسے سرکاری ملازمین کش اقدامات پر حکومت سے جنگ آگیگا کے پلیٹ فارم سے ہی ممکن ہے لہذا کالج اساتذہ ان احتجاجی پروگرامز میں شرکت کر کے انہیں کامیاب بنائیں ،فائزہ رعنا

لاہور ۔۔نمائندہ خصوصی ۔۔اگیگا کے اجلاس منعقدہ مری میں حکومتی سرد مہرانا رویے کی سخت مذمت کرتے ہوئے یہ فیصلہ کیا گیا کہ احتجاجی تحریک شروع کی جائے ابتدا میں چار جولائی 2024 کو آگیگا میں شامل تمام تنظیمیں اپنے اپنے ضلعی پریس کلب کے سامنے مظاہرہ کریں گی اور بھر پوری تیاری کے ساتھ چوبیس جولائی کو ماڈل ٹاؤن لاہور میں مسلم لیگ ن کے مرکزی دفتر جو وزیر اعظم پاکستان کی رہائش گاہ بھی ہے کے سامنے پنجاب بھر کے سرکاری ملازمین اجتجاجی مظاہرہ کریں گی پھر بھی اگر حکومت ٹس سے مس نہ ہوئی تو پروگرام طے کر کےلاہور میں احتجاجی دھرنا دیا جائے گا جو مطالبات کی منظوری تک جاری رہے گا پنجاب پروفیسرز اینڈ لیکچررز ایسوسی ایشن کی مرکزی صدر اور سینئر نائب صدر آگیگا پنجاب محترمہ فائزہ رعنا نے کالج اساتذہ کے نام ایک پیغام میں کہا ہے کہ ان احتجاج پروگراموں میں بھر پور شرکت کریں اور انہیں کامیاب بنوائیں اس لیے کہ پے پروٹیکشن ۔لیو انکیشمنٹ کے نوٹیفکیشن کی واپسی ،گریڈ بیس والوں کے لیے ڈی آر اے کا حصول ۔پنشن رولز میں منفی تبدیلیاں اور نجکاری ایسے مطالبات ہیں جنہیں ایک بڑے پلیٹ فارم سے ہی اٹھایا جا سکتا ہے کیونکہ یہ سب کے مشترکہ مطالبات ہیں