ہائر ایجوکیشن ڈیپارٹمنٹ پنجاب نے گریڈ انیس سے بیس میں بطور پروفیسر ترقی کے لیے 230 کیسز محکمہ سروسز اینڈ جنرل ایڈمنسٹرین کے حوالے کر دیے ہیں تاکہ انہیں آئندہ ہونے والے صوبائی سلیکشن بورڈ ون کے اجلاس میں پیش کیے جا سکیں ان میں گزشتہ پی ایس بی ون کے اجلاس میں زیر بحث نہ ا سکنے والے خواتین کے سنیارٹی نمبر 40 سے 103تک کے کیسز اور مردانہ ڈیفرڈ اور فریش سنیارٹی نمبر 1 تا 167 کے کیسز شامل ہیں ان میں کئی ایک کو تاریخ پیدائش کے اعتبار سے اکلے کچھ ماہ میں ریٹائر بھی ہو جانا ہے گزشتہ ادھوری میٹنگ کے اختتام پر محکمہ تعلیم کے ایک آفیسر نے ایسوسی ایشن کے ایک عہدے دار کو چیف سیکرٹری کے حوالے سے بتایا کہ بیس دسمبر کو دوبارہ بی ایس بی ون کا اجلاس ہوگا جس میں باقی ماندہ خواتین کے کیسز نمٹا دئیے جائیں گے بیس تاریخ گزر گئی تو یہ کہا جائے گا کہ دسمبر ختم ہونے سے قبل یہ میٹنگ ہو گی جس میں مردانہ و زنانہ دونوں طرح کے کیسز فیصل ہو جائیں گے ایک اور ایڈیشنل سیکرٹری کی سطع کے آفیسر کے بقول چیف سیکرٹری نے جلد میٹنگ کا کہا ہے مگر کیا یہ بقیہ پانچ چھ دنوں میں ممکن ہے جواب نہیں میں ہے یہ اب جنوری میں ہی ہو سکے گی
