محکمہ سروسز اینڈ جنرل ایڈمنسٹریشن کے ایک حکم کے مطابق تمام سرکاری ملازمین اور ان کے خاندان کے افراد کو تیس جون سے قبل ہر صورت میں ویکسین لگوانا ہو گی یہ فیصلہ نیشنل کوارڈینیشن کمیٹی کے فیصلے کی روشنی میں کیا گیا ہے محکمہ کے ڈپٹی سیکرٹری آئی اینڈ سی محمد کاشف بارا نے سینیر ممبر بورڈ آف ریونیو پنجاب،ایڈیشنل چیف سیکرٹری پنجاب،چیرمین پی اینڈ ڈی بورڈ،انسپکٹر جنرل پولیس ،پنجاب کے تمام انتظامی سیکرٹریز ،پنجاب کے تمام ڈویژنل کمشنرز اور تمام ڈپٹی کمشنرز کے نام یہ خط بھجوایا ہے کہ وہ اپنے ماتحت کام کرنے والے تمام ملازمین کو ویکسین لگوانے کے بعد اپنے دستخطوں سے اس امر کا سرٹیفیکیٹ سیکرٹری پرائمری اینڈ سیکنڈری ہیلتھ کیئر کوخط میں درج ای میل ایڈریس پر ارسال کریں گے
