لاہور (نمائندہ خصوصی) لاہور ہائیکورٹ کے جسٹس شاہد کریم نے سموگ کے بڑھتے ہوئے خدشات کے پیش نظر یہ حکم دیا تھا کہ صوبے کے تمام سکولز کو ہفتے میں تین دن بند رکھا جائے اور آلودگی کی روک تھام کے لیے اقدامات کیے جائیں اس پر صوبائی حکومت نے غور وفکر کے بعد یہ طے کیا کہ تعلیمی نقصان کی بنا پر سکولز بند کرنا مناسب نہیں البتہ درج ذیل اقدامات کیے جائیں(1) سکول کی حدود کے اندر اور سکول کے اوقات کے دوران تمام طالب علم ۔،اساتذہ اور دیگر ممبران سٹاف ماسک پہنیں(2) زیادہ سے زیادہ پانی پییں(3) عینک استعمال کریں (4) آؤٹ ڈور سرگرمیاں معطل کر دیں۔(5) کسی چیز کو مت جلائیں جس سے آلودگی پیدا ہوتی ہے۔(6) سموگ محسوس ہو تو آنکھوں کو نہ ملیں دھول کی جگہ چھڑکاؤ کریں
