کابینہ سے حتمی منظوری کے بعد چند روز میں نوٹیفیکیشن جاری ہونے کا امکان
یہ فیصلہ صوبائی وزیر پارلیمانی امور راجہ بشارت کی زیر صدارت اجلاس میں کیا گیا
وزیر سکول ایجوکیشن ڈاکٹر مراد راس اور وزیر ہائر ایجوکیشن راجہ یاسرہمالوں اپنے اپنے محکمے کے کنٹریکٹ ملازمین کی مستقلی کی سفارش پہلے ہی کر چکے ہیں
لاہور(خصوصی رپورٹ) گزشتہ دنوں صوبائی وزیر پارلیمانی امور راجہ بشارت کی زیر صدارت ایک اعلی سطح اجلاس میں محکمہ ہائر ایجوکیشن کے غیر تدریسی اور محکمہ سکولز ایجوکیشن کے اساتذہ و دیگر غیر تدریسی چودہ ہزار پچپن ملازمین کی سروسز کو مستقل کرنے کی منظوری دی گئی اس کے بعد اسے کابینہ کی حتمی منظوری کے لیے پیش کیا جائے گا اور توقع ہے کہ اگلے چند روز میں نوٹیفیکیشن جاری کر دیا جائے گا یاد رہے کہ ان صوبائی محکموں میں غیر تدریسی عملے کو اور محکمہ سکولز ایجوکیشن میں اساتذہ کو پانچ سالہ کنٹریکٹ پر بھرتی کیا جاتا ہے اور کہا یہ جا رہا ہے کہ۔مذکورہ ملازمین گزشتہ دس بارہ سال سے کنٹریکٹ پر کام کر رہے تھے گزشتہ دنوں ان ملازمین نے زماں پارک لاہور ،عمران خان ۔کی۔رہائش گاہ کےباہر احتجاج بھی۔کیا ان ملازمین کو یقین دلایا گیا کہ انہیں جلد مستقل کردیا جائے گا متعلقہ وزراء ڈاکٹر مراد راس اور راجہ یاسرہمالوں اپنے اپنے محکمے کے کنٹریکٹ ملازمین کی مستقلی کی سفارش پہلے ہی کر چکے ہیں