یہ گورنمنٹ کالج آف سائنس وحدت روڈ لاہور کے پرنسپل کی رہائش گاہ ڈاکٹر تحسین رزاق کو ان کے عہدے سے ہٹائے جانے کے سبب خالی ہوئی تھی قائم مقام پرنسپل کا استحقاق تھا کہ اپنے استعمال میں لائے یا اپنے کسی سینئر گریڈ بیس کے کاللج کے ساتھی کو الاٹ کر دے رولز یہی کہتے ہیں اور ہائیکورٹ کا بھی اس سلسلے میں فیصلہ بھی ہے مگر میرٹ عوام کے لیے ہے سیکریٹریٹ سے حکم آیا کہ لیکچرر کے حوالے کر دی جائے
لاہور ( نمائندہ خصوصی )ہائر ایجوکیشن ڈیپارٹمنٹ کے ڈپٹی سیکرٹری رضوان الحق نے سیکرٹری کے ایما پر ایک حکمنامہ جاری کیا ہے جس کے مطابق پرنسپل گورنمنٹ گریجویٹ کالج آف سائنس وحدت روڈ لاہور کے پرنسپل کی خالی رہائش گاہ سیکرٹریٹ میں متعین سیکشن آفیسر کو جو عہدے کے لحاظ سے لیکچرر ہیں بابر خان گوندل کے نام الاٹ کر دی ہے یہ رہائش گاہ گریڈ بیس کے پرنسپل کے لیے مخصوص ہے اور رولز کے مطابق کسی کے مطابق سوائے پرنسپل کے کسی کو الاٹ نہیں ہو سکتی اور وہ بھی کالج کے باہر کے ملازم کو اس کی الاٹمنٹ اور بھی خلاف قانون اور عدالتی فیصلے کے برعکس ہے اس طرح کی ایک واقعہ پہلے بھی پیش آ چکا ہے جو عدالت میں گیا اور عدالت نے سماعت کے بعد فیصلے میں لکھا کہ کالج کے باہر کے کسی سرکاری ملازم کو اس کی الاٹمنٹ نہیں کی جا سکتی مگر سب جانتے بوجھتے ہوئے بھی اعلی حکام نہ کسی رول کی نہ کسی عدالتی فیصلے کی پروا کرتے ہیں من چاہیے بادشاہی فیصلے مسلط کر دیتے ہیں اب اہل دانش کو یہ فکر دامن گیر ہے کہ یہ لیکچرر کس گریڈ کا ہاوس رینٹ اپنی تنخواہ سے کٹوائے گا
