گورنمنٹ گریجویٹ کالج آف سائنس فیصل آباد کے ڈاکٹر محمد حمزہ نے انگریزی ادب میں مقالہ لکھ کر اور اس کا کامیاب ڈیفنس کر کے ڈاکٹریٹ کی ڈگری حاصل کی وہ اس مقصد کے حصول کے لیے آبائی ضلع فیصل آباد چھوڑ کر گورڈن کالج راولپنڈی چلے گئے اورچھ سال وہاں رہ کر نیشنل یونیورسٹی آف ماڈرن لینگویجز سے پی ایچ ڈی کی تعلیم مکمل کی
فیصل آباد,( رپورٹر فیصل آباد) گورنمنٹ کالج آف سائنس سمن آباد فیصل آباد کے شعبہ انگریزی کے استاد محمد حمزہ نے انگریزی ادب میں مقالہ لکھا اور اس کا دفاع کر کے نیشنل یونیورسٹی آف ماڈرن لینگویجز اسلام سے ڈاکٹریٹ کی ڈگری حاصل کر لی انہوں نے 2009 میں پنجاب پبلک سروس کمیشن کا امتحان پاس کیا تو پوسٹنگ سمندری ضلع فیصل آباد اپنے آبائی علاقے میں ہی ہو گئی شروع ہی سے ان میں اعلی تعلیم حاصل کرنے کی لگن تھی وہ ہجرت کرکے راولپنڈی چلے گئے اور گورڈن گریجویٹ کالج میں تعینات ہوئے وہاں انہوں نے تدریس کے ساتھ نیشنل یونیورسٹی آف ماڈرن لینگویجز میں پی ایچ ڈی میں داخلہ لے لیا اور ابتدائی کورس ورک کے بعد مقالہ لکھ کر یونیورسٹی کو پیشِ کیا جو ایکسٹرنل کو بھجوایا گیا اس کی منظوری کے بعد یونیورسٹی نے انہیں دفاع کے لیے بلوایا کامیابی سے دفاع کے بعد انہیں ڈاکٹریٹ کا حقدار قرار دے دیا گیا اتحاد اساتذہ پاکستان نے ڈاکٹریٹ مکمل کرنے پر انہیں مبارکباد پیش کی ہے
