لاہور( نیٹ نیوز)یونیورسٹی آف ہیلتھ سائنسز نے ایم بی بی ایس فائنل ائر کے امتحانات کے شیڈول کا اعلان کردیا ہے۔امتحانات 30 جون کو شروع ہوں گے اور 24 جولائی کوختم ہوں گے۔قبل ازیں حکومت پنجاب کی ہدائت پر یہ امتحانات ملتوی کئے گئے تھے۔اب اجازت ملنے پر دوبارہ امتحانی شیڈول جاری کردیا گیا ہے۔امتحانات میں پنجاب کے 37 اور آزاد جموں و کشمیر کے 3 کالجز کے طلباء و طالبات حصہ لیں گے۔یونیورسٹی نے یہ ہدائت بھی جاری کی ہے کہ جو سٹوڈنٹس کرونا کی وجہ سے سفر نہیں کرنا چاہتے وہ اپنا امتحانی سنٹر تبدیل کروا سکتے ہیں۔امتحانی سنٹر تبدیل کروانے کے لئے متعلقہ کالج کے پرنسپل کے ذریعے درخواست دی جا سکے گی۔
ایم بی بی ایس کے امتحان کا شیڈول جاری
