HED News Latest News

لاہور گرائمر سکول میں ہراسمنٹ کا واقعہ،حکومت متحرک

سوشل میڈیا پر کئی اور واقعات کاذکر،واضح قواعد بنانے کی ضرورت ہے

لاہور(میڈیا رپورٹس) لاہور گرائمر سکول نامی ایک تعلیمی ادارے میں طالبات کو ہراساں کئے جانے کے واقعات منظر عام پر آنے کے بعد حکومت نے بچوں کےتحفظ کے لئے موثر اقدامات اٹھانے کا عندیہ دیا ہے۔ایل جی ایس کی گلبرگ میں واقع ایک برانچ میں بعض ٹیچرز پر نامناسب انداز میں گھورنے،قریب ہونے کی کوشش کرنے اور نازیبا تصاویر واٹس ایپ کرنے اور ایک کلرک پرنازیبا گفتگو کرنے کے الزامات ہیں۔یہ بات بھی سامنے آئی ہے کہ طالبات نے جب اپنی ایک فی میل ٹیچر سے ان واقعات کا ذکر کیا تو انہوں نے خاموش رہنے کا مشورہ دیا۔بعد ازاں ان میں سے کچھ طالبات اور بعض سابق طالب علموں نے ہمت کرکے واقعات کا سوشل میدیا پر بیان کیا تو انتظامیہ نے مذکورہ افراد کو سکول سے فارغ کرنے کا نوٹس سوشل میڈیا پر لگا دیا۔جو بعد ازاں وہاں سے بھی ڈیلیٹ کردیا۔پولیس کو بھی انتظامیہ کی جانب سے اس واقعہ کی اطلاع نہیں دی گئی۔ اب ڈسٹرکٹ ایجوکیشن اتھارٹی نے تحقیقات کے لئے کمیٹی قائم کردی ہے۔جو 3 دن میں اپنی رپورٹ جمع کروائے گی۔وزیراعلی پنجاب اور وزیر سکول ایجوکیشن نےذمہ داروں کو قانون کے کٹہرے میں لانے کا عزم کیا ہے۔وزیر انسانی حقوق شیریں مزاری نے بھی واقعے کا نوٹس لے لیا ہے۔ اس واقعہ کے منظر عام پر آنے کے بعد لاہور میں ایل جی ایس کی دیگر برانچز اور دیگر نجی اداروں کے حوالے سے سوشل میڈیا پر اس قسم کے واقعات کے وقوع پذیر ہونے کا مختلف افراد کی جانب سے تذکرہ ہورہا ہے۔

Related posts

محکمہ نے عدالت میں پیش کرنے کے لیے گریڈ اٹھارہ کی نئی سنیارٹی لسٹ جاری کر دی

Ittehad

  آج کے سلیکشن بورڈکے اجلاس میں خواتین اسسٹنٹ پروفیسرز کے تین سو چھیالیس کیسز زیر بحث 

Ittehad

ہائر ایجوکیشن ڈیپارٹمنٹ کے زیر اہتمام سپورٹس ایونٹ برائے اساتذہ دو ہزار چوبیس/ پچیس کی تیاریاں

Ittehad

Leave a Comment