HED News Latest News

لیو انکیشمنٹ،تاخیری حربے بند کرکے فوری ادائیگیاں کی جائیں:اتحاد اساتذہ،پی پی ایل اے

ریٹائر ہونے والے کالج اساتذہ سمیت محکمہ ہائر ایجوکیشن کے سیکڑوں ملازمین کی لیو انکیشمنٹ کی ادائیگی کئی مہینوں سے تاخیرکا شکار ہے۔اتحاد اساتذہ کے رہنمائوں اور پی پی ایل اے کی قیادت نے وزیر ہائر ایجوکیشن اور وزیر اعلی پنجاب سے اس صورت حال کا فوری نوٹس لے کر معاملہ حل کروانے کی اپیل کی ہے،انہوں نے کہا کہ معاملہ تنگ آمد بجنگ آمد کی صورت حال تک نہ پہنچے تو بہتر ہے۔یہ پوری عمر خدمت کرکے ریٹائرڈ ہونے والے کالج اساتذہ کا حق ہے۔اس کی ادائیگی جلد از جلد ممکن بنائی جائے۔یاد رہے کہ لیو انکیشمنٹ وہ رقم ہے جو ریٹائر ہونے والے سرکاری ملازمین کو اپنی بچ جانے والی چھٹیوں کے عوض ادا کی جاتی ہے۔ریٹائرمنٹ پر ملنے والی رقم کے حوالے سے سرکاری ملازمین بچوں کے شادی بیاہ سے لے کر مکانات کی تعمیر تک متعدد منصوبے وابستہ کرلیتے ہیں۔ریٹائرمنٹ کے واجبات میں جہاں دیگر بہت سی رکاوٹیں آتی ہیں ان میں دیگر محکموں کی طرح کالج اساتذہ کی ساتھ ایچ ای ڈی کے دیگر ملازمین کو لیو انکیشمنٹ کی ادائیگی میں کئی مہینوں کی تاخیر کی جاتی ہے۔اس سال کے آغاز میں محکمہ ہائر ایجوکیشن نے اساتذہ کی تنخواہوں کی مد میں بچ جانے والے بجٹ کو دوبارہ مختص کرکے ملازمین کواربوں روپے کی رکی ہوئی ادائیگیوں کو ممکن بنایا تھا۔لیکن کرونا وبا کا آغاز ہوتے ہی محکمہ فنانس نے یہ دوبارہ مختص شدہ بجٹ واپس لے لیا اور و با میں کمی کے باوجود واپس نہیں کیا۔اب محکمہ ہائر ایجوکیشن تنخواہوں کی مد میں ملنے والے اضافی فنڈ کو دوبارہ مختص کروانے کے لئے کیس محکمہ فنانس کو بھجوایا ہے ۔جو کئی ہفتوں سے تاحال منظوری کا منتظر ہے۔

Related posts

ہائر ایجوکیشن ڈیپارٹمنٹ نے نئے رولز کے تحت تیس مرد وخواتین کی لیو انکشمنٹ کا نوٹیفکیشن جاری کر دیا

Ittehad

یونیورسٹیوں سے واپس کالج کیڈر پول میں آنے والی خواتین کی کالجز میں تعیناتی

Ittehad

وفاقی مشیر کی یقین دھانی پر دھرنا موخر کردیا گیا۔مطالبات منظور نوٹیفکیشن اگلے چند روز میں ہو جائیں گے 

Ittehad

Leave a Comment