فیڈرل ایجوکیشن اینڈ پروفیشنل ٹریننگ ڈویژن کی جانب سے پچیس جنوری دو ہزار بائیس کو جاری ہونے والے نوٹیفیکیشن کے مطابق بورڈ آف انٹرمیڈیٹ اینڈ سیکنڈری ایجوکیشن سرگودھا کی چیرپرسن ڈاکٹر کوثر رئیس کو سال 2022 کے لیے انٹر بورڈز کمیٹی کا چیرمین مقرر کیا گیا ہے
ڈاکٹر کوثر رئیس زوالوجی کے مضمون میں ایم ایس سی اور پی ایچ ڈی ہیں انہوں نے سلیکشن بورڈ سے منتحب ہونے کے بعد نو دسمبر انیس سو ستاسی کو بطور لیکچرر زوالوجی تدریسی کیریئر کا آغاز کیا پھر پنجاب پبلک سروس کمیشن سے ڈائریکٹ اسسٹنٹ پروفیسر سلیکشن کے بعد بائیس نومبر انیس سو چورانوے کو اسسٹنٹ پروفیسر جوائن کیا اٹھارہ اپریل دو ہزار آٹھ کو انہیں ایسوسی ایٹ پروفیسر کے عہدے پر ترقی دے دی گئی اور دس جون دو ہزار پندرہ کو انہوں نے پروفیسر آف زوالوجی کے عہدے پر ترقی پائی ان کی سروس کوئی سوا سال باقی ہے اور وہ چودہ مئی دو ہزار تئیس کو مدت ملازمت مکمل کر کے ریٹائر ہو جائیں گی اتحاد اساتذہ انہیں مبارکباد پیش کرتی ہے اور دعا گو ہے کہ ان کی موجودہ عہدے پر تقرری ملک وقوم اساتذہ اور طالب علموں کے لئے بہتر ثابت ہو
