اب ایسوسی ایٹ ڈگری کالجز کہلائیں گے،پنجاب کابینہ کا فیصلہ
پنجاب کابینہ کے اجلاس میں کیمونٹی کالجز کا نام تبدیل کرنے کی منظوری دے دی گئی ہے اب یہ کالجز ایسوسی ایٹ ڈگری کالج کہلائیں گے۔میٹنگ منٹس جاری ہونے کے بعد محکمہ ہائر ایجوکیشن اس ضمن میں باقاعدہ نوٹیفکیشن جاری کر دے گا۔یاد رہے کہ جنوری میں جب پنجاب پروفیسرز اینڈ لیکچررز ایسوسی ایشن نے احتجاج کی کال دی تھی تو انہوں نے کمیونٹی کالجز کے قیام پر اپنے تحفظات کا اظہار کیا تھا۔وزیر ہائر ایجوکیشن اور سیکرٹری ہائر ایجوکیشن نے یقین دہانی کروائی کہ ان کا کالجز کو نجی اداروں کے حوالے کرنے کا کوئی پروگرام نہیں ہے اور پی پی اہل اے کے خدشات بے بنیاد ہیں۔اس پر پی پی ایل اے نمائندگان نے اعتماد سازی کے لئے کالجز کا نام کمیونٹی کالجز نہ رکھنے کا مطالبہ کیا تھا جسے سیکرٹری ہائر ایجوکیشن نے منظور کرتے ہوئے فوری طور نام تبدیلی کی سمری تیار کروا کے فارورڈ کردی تھی۔جسے اب وزیر ہائر ایجوکیشن کی کاوشوں سے کابینہ نے منظور کرلیا ہے۔میٹنگ منٹس جاری ہوتے ہی محکمہ ہائر ایجوکیشن اس کا نوٹیفکیشن جاری کردے گا۔