2026 HED News Latest News

ملتان ڈویژن میں پرنسپل کی تعیناتی کے لئے 13 امیدوار شارٹ لسٹ

لاہور: پنجاب ہائر ایجوکیشن ڈیپارٹمنٹ نے ملتان ڈویژن میں پرنسپل (مرد و خواتین) کے عہدوں کے لیے شارٹ لسٹ کیے گئے 13 امیدواروں کو انٹرویو کے لیے طلب کر لیا ہے۔ اس سلسلے میں امیدواروں کو باضابطہ خطوط جاری کر دیے گئے ہیں۔محکمہ ہائر ایجوکیشن پنجاب کی جانب سے جاری کردہ خطوط کے مطابق امیدواروں کے انٹرویوز 22 ستمبر 2026 بروز منگل سہ پہر 3 بجے لاہور میں محکمہ ہائر ایجوکیشن کے سرچ کمیٹی روم میں منعقد ہوں گے۔خطوط میں امیدواروں کو ہدایت کی گئی ہے کہ وہ انٹرویو کے موقع پر اہلیت کے معیار سے متعلق اصل تعلیمی اور انتظامی دستاویزات، کارکردگی سے متعلق دستاویزات، رپورٹس اور سالانہ نتائج ہمراہ لائیں۔محکمہ کی جانب سے واضح کیا گیا ہے کہ انٹرویو میں شرکت کے لیے امیدواروں کو TA/DA ادا نہیں کیا جائے گا۔سرچ کمیٹی انٹرویوز کے بعد امیدواروں کی قابلیت، تعلیمی و انتظامی ریکارڈ اور دیگر متعلقہ دستاویزات کا جائزہ لے گی، جس کے بعد پرنسپل کے عہدوں پر تعیناتی کے عمل کو آگے بڑھایا جائے گا۔یہ پیش رفت ملتان ڈویژن کے متعلقہ سرکاری کالجز میں پرنسپل کے عہدوں پر مستقل تعیناتی کے سلسلے میں اہم پیش رفت قرار دی جا رہی ہے۔

Related posts

اناسی کالج اساتذہ کی گریڈ بیس میں ترقی کا نوٹیفیکیشن ۔۔اتحاد اساتذہ پاکستان کی مبارکباد 

Ittehad

محکمہ سکول ایجوکیشن پنجاب کے انچارج وزیر مراد راس نے ہائیکورٹ کے احکامات ہوا میں اڑا دئے

Ittehad

سی ایس ایس کے حتمی نتائج کا اعلان،365 امیدوار کامیاب

Ittehad

Leave a Comment