تمام اساتذہ کرام کو دعوت ہے کہ وہ تشریف لائیں اور اپنے ذوق کی تسکین پائیں اتحاد اساتذہ پاکستان کی اس کاوش کا مقصد علمی ادبی سرگرمیوں کو فروغ دینا ہے
اتحاد اساتذہ پاکستان کے زیر اہتمام دوسرا سالانہ دیال سنگھ لٹریری فیسٹیول آج سے دیال سنگھ کالج لاہور کے مین آڈیٹوریم میں شروع ہو گا.”سماج اور آزادی” کے عنوان سے پہلی سیشن کی صدارت سینیر صحافی حسین نقی کریں گے. کلیدی خطبہ پنجاب یونیورسٹی لاہور کے پروفیسر ڈاکٹر ضیاء الحسن پیش کریں گے برصغیر کے ممتاز مورخ اور استاد ڈاکٹر مبارک علی اپنا خصوصی مقالہ پیش کریں گے. جبکہ باقر علی شاہ بھی اپنا مضمون پڑھیں گے. دوسرے سیشن میں عہد حاضر کے معروف دابشوروں اور استادوں کے مابین “پاکستانی سماج اور اس پر عائد قدغنیں” کے موضوع پر مکالمہ ہو گا جس کی میزبانی وقاص احمد شہباز کریں گے.. تیسرا سیشن مشاعرے پر مشتمل ہو گا. جس کی صدارت واجد امیر کریں گے جبکہ معروف شاعرہ حمیدہ شاہین مہمان اعزاز ہوں گی. 14 دسمبر بروز بدھ کا پہلا سیشن لال بینڈ کی خصوصی پرفارمنس پر مشتمل ہے. جبکہ دوسرے سیشن میں پنجاب اور مزاحمت کے عنوان پر معروف پنجابی دانشور ان مضامین پیش کریں گے. فیسٹیول کا اختتام تھیٹریکل پرفارمنسز پر ہو گا جس میں گورنمنٹ کالج پتوکی، اسلام آباد کا تھٹر گروپ “تھیٹر والے” اور لاہور سے “سنگت تھیٹر” کے فنکار اداکاری کے جوہر دکھائیں گے.
