*فپواسا پنجاب* کی احتجاجی کال پر آج مورخہ 4 اگست 2021 ء کو پنجاب بھر کی بڑی جامعات میں *ڈسپیرٹی/ سپیشل الاونس* کے لیے، *احتجاجی ریلییوں اور مظاہروں* کا انعقاد کیا گیا۔
لاہور کی تمام بڑی جامعات مشمولہ *پنجاب یونیورسٹی ، جی سی یونیورسٹی، یونیورسٹی آف انجینئرنگ اینڈ ٹیکنالوجی، یونیورسٹی آف ویٹنری اینڈ اینمل سائنسز* کے علاوہ *بہاالدین ذکریا یونیورسٹی ملتان، یونیورسٹی آف اوکاڑہ، جی سی یونیورسٹی فیصل آباد* میں اساتذہ اور نان ٹیچنگ سٹاف نے بھرپور انداز میں اپنا احتجاج ریکارڈ کروایا۔ ہزاروں مظاہرین نے اپنے مطالبات کے حق میں *بینرز اور پلے کارڈ* اٹھا رکھے تھے اور اعلی تعلیم سے متعلق حکومتی ترجیحات پر سراپا احتجاج تھے۔
مختلف اجتماعات سے خطاب کرتے ہوئے *اساتذہ نمائندگان* نے پنجاب حکومت سے مطالبہ کیا کہ اگر *10 اگست 2021 ء* تک *یونیورسٹی اساتذہ اور ملازمین* کے سپیشل الاونس سے متعلق مطالبے کو تسلیم کرتے ہوئے فنانس ڈیپارٹمنٹ پنجاب کی طرف سے جاری کردہ نوٹیفکیشن کو *معطل یا ترمیمی صورت* میں جاری نہ کیا گیا تو اِس *احتجاج کا دائرہ* یونیورسٹیز کی حدود سے نکل کر *باہر تک پھیل جائے گا* اور اس کی ساری ذمہ داری حکومتِ وقت پر عائد ہوگی۔
پنجاب بھر کی سرکاری جامعات کے ملازمین نے احتجاج کی ابتداء کر دی
